rua.gr сайти фотосурати
Япониянинг собиқ бош вазири Синдзо Абе вафот этди. Бу ҳақда Япониянинг NHK телеканалига асосланиб, «Коммерсант» хабар беради.
8 июль куни маҳаллий вақт билан тахминан 11.30 (Москва вақти билан 05.30) да сиёсатчига суиқасд уюштирилган: 41 ёшли денгиз пиёда аскари Тетсуя Ямагами қўлбола милтиқдан унга қарата ўқ узган. Бу воқеа Япония ғарбидаги Нара шаҳрида Абэнинг кўчада чиқиши пайтида содир бўлган. ОАВ хабарларига кўра, собиқ бош вазирнинг орқа томонидан икки марта ўқ узилган. Сиёсатчини қутқарув вертолётида Нара тиббиёт университети касалхонасида олиб боришган ва у ўша ерда вафот этган. Абэ 67 ёшда эди.
Ямагами ҳибсга олинган. У собиқ бош вазирдан «норози» экани ва «уни ўлдирмоқчи бўлганини» айтган.
Синдзо Абэ икки марта Япония бош вазири этиб сайланган, у бу лавозимда 2006-2007 ва 2012-2020 йилларда ишлаган. Японияда Абэ кабинетининг маъқуллаш рейтинги деярли ҳар доим юқори бўлган — 50-70% даражасида. У 2020 йилда соғлиғи сабабли истеъфога чиққан.
