Қирғизистонлик хоккейчилар. sport.akipress сайти фотосурати
Хоккей бўйича эркаклар ўртасидаги турнирнинг биринчи даврасида Қирғизистон терма жамоаси Қувайт терма жамоасини қўшимча вақтда 9:8 ҳисобида мағлуб этди.
Учрашувнинг асосий вақти 8:8 ҳисобида якунланди. Қирғизистон терма жамоаси ўйин давомида 3:7 ҳисобида мағлуб бўлаётган бўлса-да, ҳисобни тенглаштириб, овертаймда ҳал қилувчи шайбани киритди.
Энг етакчи ўйинчи Қирғизистон терма жамоаси ҳужумчиси Мамед Сейфулов бўлди, у 5 та шайба киритди. Қайд этиш лозим, қувайтликлар таркибида ВХЛда ўйнаш тажрибасига эга россиялик Антон Цибин ва Илья Дроздецких, шунингдек, беларусь, чех ва серблар ҳам бор.
Қирғизистон ва Қувайт ўртасидаги хоккей ўйини 2025 йилги Осиё ўйинларининг илк спорт воқеаси бўлди. Аслида, Осиё ўйинларининг расмий очилиш маросими фақат 7 февраль куни бўлиб ўтади. Бу хоккей мусобақалари вақт жиҳатидан энг узоқ давом этиши билан изоҳланади.
Сингапур В гуруҳидаги бошқа ўйинда Баҳрайн билан ўйнайди.
Эслатиб ўтамиз, Қозоғистон терма жамоаси А гуруҳида, Туркманистон эса С гуруҳида иштирок этади. Бу жамоалар ўз учрашувларини мос равишда 4 ва 5 февраль кунлари ўтказади. Қозоғистон Таиланд билан, Туркманистон Макао билан учрашади.
ℹ️ IX қишки Осиё ўйинлари Хитойнинг Харбин шаҳрида бўлиб ўтади. Осиё ўйинларининг тантанали очилиш маросими 7 февраль куни бўлиб ўтади, бироқ мусобақалар 3 февраль куни хоккей баҳслари билан бошланади. Ўйинлар 14 февраль куни якунланади. Унда тоғ чанғиси, чанғи учиш, биатлон, сноуборд, фристайл, ски-альпинизм, конкида учиш, шорт-трек, фигурали учиш, кёрлинг ва хоккей каби 11 та спорт тури бўйича 64 та медаллар жамланмаси учун кураш олиб борилади. Осиё ўйинларида 34 давлатдан 1274 нафар спортчи иштирок этади.
