Видеодан скриншот
Олмаота шаҳри Турксиб туман суди 67 ёшли Машрапбек Баратовни шаҳар аэропортида одамни гаровга олгани иши бўйича ўн ярим йилга озодликдан маҳрум қилди, деб хабар берди Tengrinews.kz нашри.
Эркак Қозоғистон Республикаси Жиноят кодексининг учта моддаси бўйича айбдор деб топилди: «Гаровга олиш», «Қурол ёрдамида безорилик» ва «Террорчилик акти ҳақида ёлғон хабар бериш». Суд, шунингдек, тайинланган муддатга 2023 йилдан бошлаб судланган шахсга нисбатан озодликни чеклаш жазоси тайинланган аввалги иш бўйича ўталмаган жазони қўшишга қарор қилган. Шундай қилиб, охирги муддат 11 йил қамоқ жазоси бўлган.
Баратов ўртача хавфсизлик даражасидаги муассасада жазосини ўтайди. Судланувчининг айбига иқрор бўлиши жазони енгиллаштирувчи ҳолат бўлган (судда у аэропортга тасодифан келганини даъво қилган).
7 март куни Баратов йўловчи сифатида аэропортнинг ички терминалидаги парвоздан олдинги текширув зонасига кирган. Авиация хавфсизлиги ходимлари ундан ҳужжатларини кўрсатишни сўраган, шундан сўнг у хавфсизлик хизмати ходими Бўтағоз Мухторованинг сочидан ушлаб, пичоқ билан қўрқита бошлаган. У, шунингдек, бомба портлатиш ниятида эканини даъво қилган. Баратовни у билан мулоқот алоқасини ўрнатган Абдраим Мусо Сайранбайули зарарсизлантирган. У аёлнинг ўрнига ўзини гаровга тақдим этган, уни бироз суҳбат билан чалғитиб, сўнг бирдан унинг қўлидан пичоқни тортиб олган. Ўша куни Президент Қосим-Жомарт Тўқаев фармонига кўра, ушбу шахс «Ерлігі үшін» медали билан тақдирланган эди.
