Давонгдаги учрашув. Afghanistan International видеосидан кадр
Бадахшон вилоятининг Шаҳр-и-Бузург туманидаги Давонг (Dawong) қишлоғида тожик-афғон чегарасида юз берган отишма натижасида бир нафар «Толибон»* жангариси ҳалок бўлди, яна тўрт нафари яраланди. Бу ҳақда Afghanistan International ва Shana.news хабар берди. Ҳозирча расмий тасдиқ йўқ.
ОАВ маълумотларига кўра, можаро 24 август, якшанба куни хитойликларнинг кон компаниялари ҳудудда ўз фаолиятини кенгайтиргани ва бу Амударё соҳилининг бир қисмини вайрон қилганидан сўнг юзага келган. Кончилик билан шуғулланаётган толиблар Тожикистон чегарачиларининг кескин муносабатига дуч келган.
Сешанба куни Давонгда Афғонистон ва Тожикистон вакилларининг учрашуви кескин муҳитда ўтган. Томонлар бир-бирини қуролли жангариларга бошпана бериш ва уларни тайёрлашда айблаган. Афғонистон томонига кўра, Тожикистон толибларга қарши 350 нафар қуролли рақибни тайёрламоқда. Ўз навбатида, тожикистонликлар Афғонистон жангариларга бошпана бераётганини таъкидлаган, деб хабар беради афғон матбуоти.
در پی درگیری نیروهای طالبان و مرزبانان تاجیکستان در منطقه مرزی داونگ در ولسوالی شهر بزرگ بدخشان، مقامات طالبان و نظامیان تاجیکستان دیدار کردند.
— افغانستان اینترنشنال (@AFIntlBrk) August 27, 2025
منابع محلی به افغانستان اینترنشنال گفتند که این درگیری روز یکشنبه پس از پیش‌روی شرکت‌های استخراج معدن چینی و تخریب بستر دریای آمو آغاز… pic.twitter.com/sEyftpoV85
ℹ️ «Толибон» ва Тожикистон ўртасидаги муносабатлар кескинлигича қолмоқда. Душанбе толибларга қарши кучларни, жумладан Миллий Қаршилик фронтини қўллаб-қувватлаб келган ва Аҳмад Масъуд ва Амруллоҳ Солиҳ каби етакчиларни қабул қилган. «Толибон» бу ҳаракатларни Афғонистоннинг ички ишларига аралашиш деб билади. Тожикистон 2021 йили Афғонистонда ҳокимиятга қайтган «Толибон» ҳукумати қонунийлигини тан олмаган.
*Кўпгина мамлакатларда террорчи сифатида тан олинган ва тақиқланган ташкилот.
