t.me/aqorda_resmi фотосурати
Россия ва Қозоғистон «санкцияга оид можаролар ва халқаро кескинликларга» қарамай, ҳамкорликни сақлаб қолишга муваффақ бўлди. Қозоғистон президенти Қосим-Жомарт Тўқаев бу фикрни Россияга давлат ташрифи олдидан «Российская газета» нашрига берган мақоласида билдирди.
У Россия раҳбари Владимир Путин ҳам 2024 йил ноябрь ойида Остонага давлат ташрифи қилганини эслатди, бу «сиёсий ва амалий аҳамияти жиҳатидан тарихий бўлганди».
«Остонада ҳамкорлигимиз янги уфқларини очадиган муҳим ҳужжатлар тўплами имзоланди. Санкцияга оид можаролар ва халқаро кескинликларга қарамай, иккала мамлакат ҳамкорликнинг барқарорлиги ва динамизмини сақлаб қололди ва ҳимоя қилишга муваффақ бўлди», — деб ёзган Тўқаев ва бу соҳадаги барча ютуқлар «Президент Владимир Владимирович Путиннинг ғайратли ва самарали фаолияти билан узвий боғлиқ» бўлганлигини таъкидлаган.
«Қозоғистонда у глобал давлат арбоби сифатида чексиз ҳурматга сазовор, унинг исмини деярли ҳар бир мамлакатда сиёсатчилар ва оддий одамлар тилга олади», — дейди Тўқаев.
У яқинда Хитой президенти Си Цзиньпин, АҚШ президенти Дональд Трамп ва Европа, Осиё ва Африкадаги бир қатор мамлакатлар раҳбарлари билан «жуда мазмунли» музокаралар ўтказганини эслади. «Уларнинг аксарияти геосиёсий спектрнинг қарама-қарши учларида жойлашганига қарамай, уларнинг барчаси Россия ва унинг раҳбарининг халқаро муносабатлардаги асосий масалаларни ҳал қилишдаги беқиёс ролини тан олади. Бошқача қилиб айтганда, замонавий дунёнинг қарама-қаршиликларини Москва иштирокисиз енгиб ўтишнинг иложи йўқ», — деб хулоса қилади Қозоғистон раҳбари.
Шунингдек, у Россияга бўлажак ташрифи давомида икки томонлама муносабатларни кенг қамровли стратегик шерикликка кўтарувчи декларация имзоланишини таъкидлади. Тўқаевнинг таъкидлашича, ушбу ҳужжат "
«Москва ва Остона ўртасидаги муносабатларда янги даврни бошлаб беради» ва «мисли кўрилмаган даражада ўзаро ишонч ва барча соҳаларда биргаликда ишлашга тайёрликни» тасдиқлайди.
Қозоғистон раҳбарининг Россияга давлат ташрифи 11 ноябрда бошланади. Тўқаев Владимир Путиннинг таклифига биноан Москвага боради. Кремль сайтида чоп этилган баёнотда айтилишича, «музокаралар давомида Россия-Қозоғистон стратегик шериклиги ва иттифоқчилигини сиёсий, савдо-иқтисодий, маданий ва гуманитар соҳаларда янада ривожлантиришнинг долзарб масалалари муҳокама қилинади».
