Видеодан кадр
Қозоғистоннинг Риддер шаҳрида полиция Шон-шараф ёдгорлигидаги Мангу оловда товуқ қовурган эркакни топди, деб хабар беради Tengrinews.kz.
Орган ходимлари хавфсизлик камералари тасвирларини ўрганиб чиққанлар, гувоҳлар билан суҳбатлашган ва атрофни ўрганишган ва шундан сўнг 31 ёшли маҳаллий эркакни ҳибсга олиган. Унинг бундай ҳаракати сабаби ҳақида маълумот берилмаган.
Қоидабузар Маъмурий ҳуқуқбузарликлар кодексининг 434-моддаси 4-қисми, яъни «Майда безорилик» бўйича жамоат жойларини таҳқирлаганликда айбдор деб топилди. Суд эркакни беш кунлик маъмурий қамоқ жазосига ҳукм қилди.
«Тарихий ёдгорликлар ва алоҳида жамоат аҳамиятига эга объектларни таҳқирлаш маъмурий ёки жиноий жавобгарликка сабаб бўлади», — деб эслатади вилоят полиция бошқармаси.
Мангу оловдаги товуқ бўлаклари. noks.kz сайти фотосурати
Риддерлик бир фуқаро 4 декабрь куни ижтимоий тармоқларда Улуғ Ватан уруши қаҳрамонлари хотирасига ўрнатилган Шон-шараф ёдгорлиги ёнидаги Мангу оловда ётган товуқ бўлаклари фотосуратини жойлаштирди. У ёдгорлик аҳволидан афсус билдирган ва бу ерда гўшт пиширган вандалларни топишни талаб қилган.
Маҳаллий коммунал хизмати ходимлари унинг илтимосига дарҳол жавоб беришган. Улар ёдгорлик атрофидаги қорни тозалаб, юлдузни тез орада кукундан тозалашга ваъда беришган.
2024 йил баҳорида Павлодар шаҳридаги Шон-шараф ёдгорлигининг Мангу олов юлдузини маст ҳолда бузиб ташлаган ҳибсга олди. Ёдгорлик 24 соат ичида қайта тикланди. Ўша йилнинг кузида полиция Зеренда қишлоғида Улуғ Ватан уруши қатнашчилари ёдгорлигини таҳқирлаган вандални қўлга олди.
