Ўзбекистон-Нидерландя ўйинидан лавҳа. ЎФА фотосурати
8 июнь куни Ўзбекистон миллий футбол терма жамоаси 2026 йилги Жаҳон чемпионатига тайёргарлик доирасида ўтказилган ўртоқлик учрашувида Нидерландияга 2:1 ҳисобида ютқазиб, сўнгги дақиқаларда дуранг натижа қайд этолди.
Нью-Йоркда бўлиб ўтган ўйин иккала жамоа учун ҳам турнирга тайёргарлик доирасида сўнгги ўйин эди.
Нидерландия 32-дақиқада Коди Гакпо томонидан амалга оширилган пенальтидаги гол ҳисобига олдинга чиқди. 87-дақиқада Гус Тил майдондан четлатилганидан сўнг, Нидерландия ўн киши билан қолди. Ўзбекистон қўшимча вақтда Игорь Сергеев томонидан ҳисобни тенглаштирди, аммо Фабио Каннаваро жамоаси дуранг натижани сақлаб қололмади: 90+7-дақиқада Коди Гакпо иккинчи пенальти орқали Нидерландияга ғалаба келтирди.
«Менимча, биз кўплаб ижобий жиҳатларни кўрсатолдик. Ҳисоб 0:1 га тенглашгандан сўнг ҳам жамоа майдонда интизом ва тузилмани сақлаб қололди, бир бутун бўлиб ҳаракат қилишда ва охиригача курашишда давом этди. Бундай даражадаги жамоаларга қарши ўйнаш осон эмас, лекин мен ўйинчиларимнинг ўйинида кўплаб ижобий томонларни кўрдим. Бизга бундай ўйинлар керак — кучли рақибларга қарши ўйнаш бизга ҳар доим ўрганиш ва тажриба орттириш имкониятини беради. Умуман олганда, мен ўйиндан мамнунман», — деди Каннаваро ўйиндан кейинги матбуот анжуманида.
Жаҳон чемпионатида Ўзбекистон К гуруҳида Колумбия, Португалия ва Конго Демократик Республикасига қарши ўйнайди. Жамоанинг биринчи ўйини 18 июнь куни Колумбияга қарши бўлиб ўтади.
