Халқаро олимпия қўмитаси Токио Олимпиадасининг янги санасини белгилади

Flickr сайтидан Department for Digital, Culture, Media and Sport фотосурати

Халқаро олимпия қўмитаси (ХОҚ) Токиода ўтказиладиган Олимпиада ва Паралимпиада ўйинлари саналарига аниқлик киритди. Бу ҳақда «Токио-2020» ташкилий қўмитаси хабарига таянган ҳолда ТАСС хабар беради.

XXXII Олимпиада ўйинларининг очилиш маросими 2021 йил 23 июлда бошланади ва мусобақалар 8 августда якун топади. Паралимпиада ўйинлари эса 24 августдан 5 сентябргача давом этади.

«Токио-2020» ташкилий қўмитаси бош котиби Тосиро Мутонинг сўзларига кўра, Олимпиада очилиш санаси ташкилотчилар учун қулай бўлган жума кунига белгиланган.

Даставвал Япониядаги Олимпия ўйинлари 2020 йил 24 июлдан 9 августгача белгиланган эди. Бироқ, коронавирус эпидемияси туфайли Япония Бош вазири Синдзо Абэ ва ХОҚ президенти Томас Бах уни бир йил кейинга суришга келишиб олдилар. Сананинг кўчирилишини Австралия, Канада, Норвегия, АҚШ ва Германия ёқлаб чиқди.

ШУНИНГДЕК ЎҚИНГ
  • Исломнинг муқаддас шаҳарларига зиёратлар нега чеклангани ёки бекор қилинганлари ҳақида

  • АҚШда полиция зулмига қарши бошланган кураш обидаларни вайрон қилиш урушига айланиб кетди. Ғазабланган одамлар Колумб ва Черчиллга кўп нарсаларни «эслатиб» қўйдилар

  • Тожик ва ўзбек журналистлари Марказий Осиё мамлакатлари ҳамкорлиги истиқболларига доир фильмни суратга олдилар

  • Россияда мигрантлар учун “ишонч рейтингини” жорий этиш режалаштирилмоқда. Хитойда бундай рейтинг яратиб бўлинган