Залмай Ҳалилзад. АР/ТАСС фотосурати
АҚШнинг Афғонистон бўйича махсус вакили Залмай Ҳалилзад ўз ўрнини ўринбосари Томас Уэстга топширган ҳолда истеъфога чиқди. Бу ҳақда душанба куни АҚШ Давлат котиби Энтони Блинкен маълум қилди.
Давлат котиби мурожаатида Ҳалилзад «ўз лавозимини тарк этиши» айтилган. «Афғонистон бўйича махсус вакил этиб муқаддам раис ўринбосари вазифасида ишлаган Томас Уэст тайинланди», — деб хабар беради Блинкен. Қарор тафсилотлари берилмаган.
Америка матбуотига кўра, 18 октябрда 70 ёшли Ҳалилзад ишдан кетиш бўйича ташқи ишлар маҳкамасига ариза берган. У, жумладан аввалги америка маъмурияти даврида «афғон ҳукумати ва «Толибон» ҳаракати (Россияда тақиқланган) ўртасидаги муносабатлар қўзланган натижа бермагани»ни тан олган.
Thank you to Ambassador Zalmay Khalilzad for decades of tireless service to the United States. Pleased to welcome Thomas West to the role of Special Representative for Afghanistan. @US4AfghanPeace
— Secretary Antony Blinken (@SecBlinken) October 18, 2021
Ҳалилзад — пуштун, Афғонистонда туғилган, АҚШ фуқароси. У Кичик Жорж Буш маъмурияти даврида Афғонистон бўйича махсус вакил, кейинчалик Қобулда элчи бўлган. Дональд Трамп президентлиги даврида у яна Афғонистон бўйича махсус вакил этиб тайинланади. Ҳалилзад 2020 йил февраль Доҳадаги америка маъмурияти билан толиблар ўртасидаги музокараларга масъул бўлган.
Уэст 2012-2015 йиллари Барак Обама маъмуриятида Оқ уйнинг миллий хавфсизлик Кенгашида ишлаган ва Афғонистон, Покистон масалалари билан шуғулланган. Ҳозирги давлат раҳбари Жо Байден у пайтлар президент ўринбосари вазифасида эди. Уэст эса АҚШ президенти ўринбосарининг Жанубий Осиё бўйича маслаҳатчиси вазифасини ўтаган.
