Комедия актрисаси Надима. TOLOnews сайти фотосурати
Афғонистонда ҳокимиятни қўлга киритган «Толибон»* радикал ҳаракати жангарилари 28 кун аввал ҳибсга олинган комедия жанри актрисаси Надима Нурни озод қилди. Бу ҳақда TOLOnews телеканали унинг акасига таяниб хабар беради.
Эслатиб ўтамиз, толиблар Надима Нурни Қобулдаги офисидан ўғирлаб кетишган, бу ҳақда унинг қариндошлари 6 мант куни журналистларга айтиб беришган. Толиблар бу воқеага изоҳ бермаганлар.
Патингара Какай (Patingara Kakai) тахаллуси билан ҳам танилган Надима афғонлар орасида яхши танилган. У кулгили видеолар тайёрлайди ва уларни TikTok, Facebook ва Instagramга жойлайди.
Қайд этиш жоиз, ҳокимиятни эгаллаган толиблар актрисалар иштирокидаги фильмларни суратга олишни тақиқлаган, шунингдек аёлларнинг медиа соҳасидаги фаолиятини ҳам жиддий чеклаган.
Сўнгги пайтларда «Толибон» ижтимоий фаол аёлларни мунтазам равишда ўғирлаб кетишмоқда. Улар одатда бир неча ҳафталик қамоқдан кейин озод қилинади. Шундан сўнг, озодликка чиққанлар одатда ҳеч қандай ижтимоий фаолият билан шуғулланмасликни афзал кўрадилар ва қамоқда ўзлари билан нималар содир бўлганини оммага ошкор қилмайдилар.
*«Толибон» ҳаракати РФ ва кўпгина давлатларда террорчи ташкилот деб тан олинган ва тақиқланган (Россия қонунчилиги талаби бўйича изоҳлаб ўтамиз).
