Гурбангули Бердимуҳамедов "Аркадаг" формасини баҳоламоқда. turkmen.news сайти фотосурати
Туркманистонда қурилаётган Аркадаг шаҳрида шу номдаги футбол клуби ташкил этилиб, келгуси мавсумда республика чемпионати олий лигаси иштирокчилари қаторидан жой олди. Бу ҳақда Туркманистон футбол федерацияси (ТФФ) расмий сайти хабар берди.
Клубни федерацияда рўйхатдан ўтказиш ва уни мамлакат расмий турнирлари иштирокчилари қаторига киритиш тўғрисидаги қарор ТФФнинг навбатдан ташқари йиғилишида қабул қилинган.
Аркадаг шаҳрининг бўлажак хокими Шамуҳаммет Дурдилев шаҳар ва футбол клуби унинг номи билан аталган Туркманистон Халқ Маслахати (Халқ Кенгаши) раиси, республиканинг собиқ президенти Гурбангули Бердимуҳамедовга жамоа рамзлари ва футболчилар либослари намуналарини тақдим этишга муваффақ бўлган. Ҳозирча клуб ҳақида бошқа маълумот йўқ. Жамоанинг қаерда жойлашиши ва ўйнаши аниқ эмас, жамоа раҳбарлари, мураббийлар штаби ва футболчилар таркиби маълум қилинмаган.
Туркманистон чемпионати 4 апрель куни бошланиши керак эди, бироқ трансфер ойнаси навбатдан ташқари очилиши сабабли старт 14 апрелга кўчирилди. Очиғи, бу фақат янги жамоа таркибини шакллантириш учун қилинган.
Балки Туркманистон аёллар терма жамоасининг ҳозирги устози Комил Мингазов жамоага бош мураббий этиб тайинланар. Эслатиб ўтамиз, республика аёллар терма жамоаси кутилмаганда 2024 йилги Олимпиада ўйинлари саралашида иштирок этишдан бош тортган эди.
«Гундогар» нашри бош муҳаррири Борис Шихмуродов таъкидлаганидек, ҳозирда Лебап ва Тошҳовуз вилоятида миллий чемпионатда иштирок этувчи футбол жамоалари йўқ. Аҳоли сони ва ҳудуди жиҳатидан бу икки вилоят Туркманистоннинг ярмини ташкил қилади. Аммо ҳали қуриб битказилмаган, аҳоли жойлаштирилмаган Аркадағда аллақачон давлат томонидан молиялаштирилган жамоа пайдо бўлган.
Миллий чемпионатда «Аркадаг»дан ташқари яна саккизта клуб иштирок этади: Ашхободнинг «Олтин Асир», «Копетдоғ» ва «Ашхобод», Болқон вилоятидан «Шагадам» ва «Болкан», Мари вилоятидан «Марв» ва «Энергетик», «Ахал» – Ахал велаятидан.
Аркадаг қурилиши 2019 йил апрель ойида бошланган. Шаҳар ободонлаштиришнинг биринчи босқичи объектларининг тантанали очилиш маросими яқин кунларда ўтказилиши ваъда қилинган. Режаларга кўра, у смарт-сити – «ақлли шаҳар» бўлиши керак. Бу ерда электробуслар ва электромобиллар ҳаракатини ташкил қилади, қуёш панеллари, шамол турбиналари ўрнатилади.
Ўтган йил декабрь ойида Гурбангули Бердимуҳамедов республика Ташқи ишлар вазирлиги раҳбари Рашид Мередовга янги шаҳарни Гиннеснинг рекордлар китобига «минтақадаги энг йирик, ноёб ва гўзал шаҳар» сифатида киритиш масаласи билан шуғулланишни топширган эди.
Жорий йилнинг март ойи охирида Аркадаг давлат аҳамиятига молик шаҳар мақомини олди, ҳатто Туркманистон пойтахти Ашхобод ҳам бундай мақомга эмас.
