Туркия Олий сайлов кенгаши 28 май куни бўлиб ўтган президентлик сайловларининг иккинчи босқичида Режеп Таййип Эрдоғаннинг ғалаба қозонганини эълон қилди. Сайловчиларнинг 52,16 фоизи мамлакатнинг амалдаги президентига овоз берди, деб хабар беради TRT Haber телеканали.
14 май куни бўлиб ўтган биринчи турда энг кўп овоз олган икки номзод сайловнинг иккинчи босқичида иштирок этди. Сайловчиларнинг 47,84 фоизи Эрдўғаннинг рақиби, Халқ Республика партияси етакчиси Камол Қиличдарўғли учун овоз берди.
Биринчи турда Эрдоған 49%, Қиличдорўғли 45% овоз олганди.
Эрдоғанни ғалаба билан биринчилардан бўлиб Ўзбекистон президенти Шавкат Мирзиёев табриклади. Марказий Осиё республикаси раҳбари матбуот хизмати хабарига кўра, президент «сайловчилар иштирокининг юқори даражаси ва овоз бериш натижалари қардош Туркия халқи амалдаги давлат раҳбарининг сиёсати ва ислоҳотлар дастурини қўллаб-қувватлаётгани»ни қайд этган.
Туркия раҳбарини Марказий Осиёнинг бошқа давлатлари – Қосим-Жомарт Тўқаев (Қозоғистон), Садир Жапаров (Қирғизистон), Эмомали Раҳмон (Тожикистон), Сердар Бердимуҳамедов (Туркманистон) президентлари ҳам табриклади.
Режеп Таййип Эрдоған Туркияни 2003 йилдан бошлаб бошқариб келмоқда: 2014 йилгача ҳукумат раҳбари (ўша пайтда мамлакат парламент республикаси эди), кейин эса президент сифатида.
