Uzbekistan Airways матбуот хизмати фотосурати
15 июнь куни Uzbekistan Airways авиакомпанияси Чехиянинг LET Aircraft Industries концернининг LET L-410 самолётларини харид қилиш бўйича шартнома имзолади. Бу ҳақда миллий авиаташувчи матбуот хизмати хабар берди.
Тўрттагача кам ўриндиқли самолёт сотиб олиш тўғрисидаги қарор ички туризмни ривожлантиришга ёрдам берадиган кичик йўловчи гуруҳларини ташиш рейслари сонини кўпайтириш режалари билан боғлиқ.
LET L-410 типидаги самолётлар 19 тагача йўловчини ташишга мўлжалланган ва 1500 км гача парвоз қила олади. Улар узунлиги 510 метр бўлган деярли ҳар қандай турдаги учиш-қўниш йўлагига қўна олади. Хусусан, авиакомпания ультра қисқа учиш-қўниш йўлакларида кичик ўриндиқли самолётлардан фойдаланишни ва Зарафшон ва Шаҳрисабз каби шаҳарларга йўналишлар тармоғини кенгайтиришни режалаштирмоқда.
ℹ️ L-410 — бу 1960 йилларнинг охирида ишлаб чиқилган ва 1973 йилда тижорат хизматига киритилган икки двигателли самолёт ҳисобланади. У дунёнинг 60 дан ортиқ мамлакатларида, жумладан, Россия, Африка, Жануби-Шарқий Осиё, Жанубий Америка ва Европада парвоз қилади. Ҳаммаси бўлиб 1200 га яқин турли хил модификациялар қурилган, улардан 862 таси СССРга етказилган.
Uzbekistan Airways сайтидаги маълумотларга кўра, ҳозирда авиакомпания парки Boeing ва Airbus самолётларидан иборат.
Илгари авиакомпания чипталарнинг юқори нархи учун бир неча бор танқидга учраган, бунга бошқа нарсалар қатори паркдан самарасиз фойдаланиш ҳам таъсир кўрсатади — масалан, кам масофаларга 250 та одамга мўлжалланган «Дреамлинер» (Boeing-787-8 Dreamliner) дан фойдаланиш ҳолатлари. Uzbekistan Airways ички рейслар учун кичик сиғимли кемалар сотиб олиш ниятида эканлигини маълум қилганди.
2019 йили Республика Транспорт вазирлиги 70 дан 90 гача одамни ташишга қодир Bombardier ёки Embraer самолётларига қизиқиш билдирган эди. 2022 йили Uzbekistan Airways авиакомпанияси Airbus билан 150 кишини ташийдиган 12 та Airbus A320neo ва A321neo самолётларини сотиб олиш бўйича шартнома имзолади.
