informburo.kz сайти фотосурати
29 июнь куни Қозоғистон президенти Қосим-Жомарт Тўқаев имзолаган қонунга кўра, тезлиги 25 км/соатгача бўлган электроскутерлар транспорт воситаси ҳисобланади ва улардан йўлда фойдаланишда ҳайдовчилик гувоҳномаси талаб қилинади.
Қонунчиликка тегишли ўзгартиришлар жорий йилнинг май ойида Қозоғистон Мажилиси (парламент қуйи палатаси) томонидан қабул қилинган эди. Шу билан бирга, депутатлар асосий фикрларни, жумладан
электр скутерларида велосипед йўллари ва йўл четларида чекловларсиз ҳаракат қилиш мумкин, пиёдалар йўлакларида эса пиёдалар оқимининг тезлигига риоя этиш лозим, яъни тезлик соатига 6 км дан ошмаслиги керак.
Бундан ташқари, йўлда ҳаракатланишда бир қатор қоидалар тасдиқланган:
🛴 ҳайдовчи 18 ёшдан катта бўлиши ва исталган тоифадаги гувоҳномага эга бўлиши керак;
🛴 бошга маҳкамланган шлемда ҳаракат қилиш керак;
🛴 қоронғуда, нурни акс эттирувчи кийим кийишда бўлиш лозим;
🛴 пиёдалар ўтиш жойлари ва чорраҳаларда тўхтаб, скутердан тушиш керак.
Ўз навбатида, ИИВ вакиллари скутерлар йўл ҳаракати қоидаларини бузганлик учун бошқа йўл ҳаракати қатнашчилари қатори жавобгарликка тортилишини қўшимча қилишди. Жумладан, уларга йўловчи ва юк ташиш тақиқланган бўлиб, ушбу талаб бажарилмаган тақдирда ҳайдовчи Маъмурий жавобгарлик кодексининг тегишли моддасига асосан жаримага тортилади. Пул жаримаси беш ойлик ҳисоб-китоб кўрсаткичи — 17 250 тенге (38 доллар) бўлади.
Мутахассисларнинг фикрича, янгилик кўплаб фуқароларни электроскутерлардан воз кечишга мажбур қилади.
«Мен пиёдалар йўлакчасида соатига 6 км дан ошмайдиган тезликда ҳаракатланишни ҳайдашни тақиқлаш деб ҳисоблайман. Йўл қисми ҳам маълум даражада ёпилган. Агар лицензия олсангиз, у ҳолда скутердан фойдаланишнинг нима кераги бор? <...> Бунинг ўрнига мопед сотиб олиш ва чекловсиз сайр қилиш осонроқ. Натижада, скутер фойдаланувчилари ушбу қонун қоидаларини бузиши ва пиёдалар бўлмаса, пиёдалар йўлаги бўйлаб юқори тезликда ҳаракатланишига тўғри келади», — дея изоҳ берди микромобиллик бўйича эксперт Ануар Жусупов.
Ички ишлар вазирлигининг расмий статистик маълумотларига кўра, 2023 йили электроскутерлар иштирокида ўнта йўл-транспорт ҳодисаси қайд этилган. Бир киши ҳалок бўлган, 11 киши шикастланган.
