Uzsuvsurxondaryo Telegram-канали фотосурати
Ўзбекистоннинг уч вилояти ҳокимлиги аҳоли ва ташкилотларга ичимлик суви учун янги тарифларни тасдиқлади.
«Ўзсувтаъминот» компанияси маълумотларига кўра, 20 августдан бошлаб Тошкент вилоятида аҳоли учун сувнинг кубометри учун тариф ҚҚСсиз 1700 сўм (0,14 доллар), бюджет ташкилотлари ва улгуржи истеъмолчилар учун-7 000 сўм ($0,6, ҳозирда — 4000 сўм ёки $0,3) белгиланган.
Оқова сув хизматлари учун тарифлар кўтарилади: аҳоли учун 1 кубометр учун 700 сўмдан 850 сўмгача, бюджет ташкилотлари ва улгуржи истеъмолчилар учун 1300 сўмдан 1850 сўмгача.
Бундан олдин Сурхондарё ва Қашқадарё вилоятларида ичимлик суви таъминоти ва канализация хизматлари учун тарифлар оширилган эди. 1 августдан бошлаб:
👉 Сурхондарёда аҳоли учун ичимлик суви тарифлари кубометри учун 1150 сўмдан 2140 сўмга, оқова сув учун тарифлар 650 сўмдан 950 сўмга оширилди;
👉 Қашқадарёда ичимлик суви учун тарифлар 1000 сўмдан 2000 сўмга, канализация учун 950 сўмдан 1000 сўмга кўтарилади.
Ўзбекистоннинг бошқа ҳудудларида тарифларнинг ошиши ҳақида ҳозирча хабар берилмаган.
