sputnik.kz сайти фотосурати
Россиянинг Олмаотадаги бош консули Евгений Бобров Россиянинг давлат хизмати тўғрисидаги қонунига мувофиқ ўз миссиясини якунлади, деб хабар қилди Россиянинг Қозоғистондаги элчихонаси 30 август куни.
Баёнот «бир қатор оммавий ахборот воситаларида Қозоғистон бош консулининг муддатидан олдин кетиши ҳақидаги ишончсиз хабарлар чоп этилиши муносабати билан» эълон қилинган.
Аввалроқ ОАВда Бобровнинг лавозимидан четлатилиши унинг ТАСС агентлигига берган интервьюси билан боғлиқ бўлиб, унда Бош консул Қозоғистонда рус тилидан фойдаланиш ва ўрганиш даражаси пасайгани ҳақида гапирган эди. Интервью 23 август куни чоп этилган, бир неча кундан кейин Қозоғистон Ташқи ишлар вазирлиги Бобровнинг сўзларини рад этиб, у дипломатик миссиясини тугатиб, мамлакатни тарк этганини қўшимча қилган.
Кейинроқ Orda.kz манбалари Бобровнинг кетиши бир неча ой олдин ҳал қилингани — у нафақага чиққани ҳақида хабар берди.
«Янги дипломатларни тасдиқлаш ва эскиларининг кетишига оид протокол одатда вақт талаб этади, шунинг учун воқеалар хронологиясига асосланиб, уларни Бош консулнинг ТАСС агентлигига берган интервьюси билан боғлаб бўлмайди, унда дипломат Қозоғистонда рус тилининг камситилаётганини айтган. Аммо узвий боғликлик бунинг акси бўлиб чиқди: Евгений Бобров фаолияти якунланаётганини била туриб, бош консул сифатида шов-шувли интервью берган», — дея таъкидлайди нашр.
Orda.kz хабарига кўра, Дмитрий Тўраев Россиянинг Олмаотадаги бош консуллигини бошқаради.
