aif.ru сайти фотосурати
26 сентябрь куни Тошкент шаҳар Шайхонтоҳур туман суди Kompromatuzb Telegram-канали маъмурлари иши бўйича ҳукм чиқарди. Бу ҳақда Олий суд матбуот котиби Азиз Абидов хабар берди.
Жараён ёпиқ эшиклар ортида кечган. Ишда 19 нафар жабрланувчи ва 10 нафар даъвогар иштирок этган бўлиб, Kompromatuzb маъмурияти ўз ҳаракатлари билан уларга 5,14 миллиард сўм (447 минг доллар) миқдорида зарар етказган. Суд жараёнида журналист ва Human.uz нашри директори Хуршид Далиев (1984 йили туғилган), «Ўзбекнефтгаз» акциядорлик жамияти собиқ матбуот котиби Сиёвуш Ҳошимов (1983), Бандлик ва камбағалликни қисқартириш вазирлигининг собиқ матбуот котиби Мавжуда Мирзаева (1973) ва Ахмадулло Ахмажонов (2004) айбланувчилар сифатида иштирок этган.
Суд ҳукмига кўра:
👉 Хуршид Далиев Ўзбекистон Жиноят кодексининг 139-моддаси 2-қисми («Нашр қилиш ёки бошқача усулда кўпайтирилган тарзда, шу жумладан оммавий ахборот воситаларида, телекоммуникация тармоқларида ёки Интернет жаҳон ахборот тармоғида жойлаштириш орқали туҳмат қилиш»), 165-модда 3-қисми «а» қисми («Товламачилик»), 184-моддаси 3-қисми («Ўта йирик миқдорда солиқлар ёки йиғимларни тўлашдан бўйин товлаш»), 243-моддаси («Жиноий фаолиятдан олинган даромадларни легаллаштириш») билан айбдор деб топилган. У 7 йилга умумий тартибли колонияда жазо ўташга ҳукм қилинган ва 300 базавий ҳисоблаш миқдорида (99 миллион сўм ёки 8,2 минг доллар) жарима тўлайди.
👉 Сиёвуш Ҳошимов ҳам Ўзбекистон Жиноят кодексининг 139-моддаси 2-қисми, 165-моддаси 3-қисми «а» банди ва 243-моддаси билан айбдор деб топилган ва 7 йилга умумий режимли колонияга ҳукм қилинган.
👉 Мавжуда Мирзаева Ўзбекистон Жиноят кодексининг 113-моддаси 4-қисми («Таносил ёки ОИВ касаллиги/ОИТСни тарқатиш»), 165-модданинг «а» ва «в» бандлари («товламачилик такроран ёки хавфли рецидивист томонидан, бир гуруҳ шахслар томонидан олдиндан тил бириктириб содир этилган бўлса») бўйича айбдор деб топилган. Мирзаева 5 йилга озодликни чеклаш жазосига маҳрум қилинган.
👉 Аҳмадулло Аҳмаджонов Ўзбекистон Жиноят кодексининг 241-моддаси 1-қисми («Жиноятни ҳисобга олишдан қасддан яшириш такроран содир этилган бўлса) билан айбдор деб топилган. Уч йилга озодликни чеклаш жазосига маҳрум қилинган.
Далиев, Ҳошимов ва Мирзаева уч йил муддатга оммавий ахборот воситаларида ишлаш, журналистик ва блогерлик фаолияти билан шуғулланиш ҳуқуқидан маҳрум этилган. Барча маҳкумлар жабрланувчиларга етказилган моддий зарар биргаликда ва алоҳида ундирилади.
ℹ️ Gazeta.uz хабарига кўра, даъвогар ва жабрланганлар орасида собиқ Бандлик ва меҳнат муносабатлари вазири Нозим Хусанов, Ташқи меҳнат миграцияси масалалари агентлиги собиқ директори Афзал Эрматов, Ветеринария ва чорвачилик давлат қўмитаси ҳузуридаги «Ўзбекчорванасл» агентлиги бош директори Бахтиёр Отамуродов, Самарқанд вилояти ҳокими матбуот котиби Манучеҳр Мирзаев, Бухоро муҳандислик-технология институти илмий ишлар ва инновациялар бўйича проректори Мирзо Шарипов, CIBGROUP компанияси директори Уйғун Турсунхўжаев ва бошқалар бўлган.
