Қирғиз мутасаддилари маълум бир ҳудудда қандай мева ва резаворлар етиштириш маъқуллиги бўйича тавсиялар тузди

east-fruit.com сайти фотосурати

Қирғизистон сув ресусрлари, қишлоқ хўжалиги ва қайта ишлаш саноати вазирлиги маҳаллий фермерлар учун мамлакатнинг маълум бир ҳудудида қайси мева ва резаворларни етиштириш яхшироқ эканлиги бўйича тавсиялар тузди. Маълумотлар вазирликнинг расмий сайтида келтирилган.

Мутасаддилар республикада кўп йиллардан буён боғдорчиликка эътибор қаратилмагани, бу борада махсус қонун ва меъёрий ҳужжатлар қабул қилинмаганини таъкидлайдилар. Шунинг учун фермерлар эскича технология билан мевали дарахтларни этиштиришади. Мутахассислар мамлакатдаги ҳар бир ҳудуднинг иқлим ва тупроқ хусусиятларини ҳисобга олган ҳолда тузилган тавсиялар долзарблигини таъкидлайдилар. Уларнинг фикрича:

🍎 Боткен вилоятида узум, олхўри, олча, ўрикнинг дастурхон ва техник навларини етиштириш;

🍎 Жалолобод вилояти — заъфарон, узумнинг дастурхон ва техник навлари, атиргул, қорағат;

🍎 Иссиқкўл вилояти — ўрик, олча, шафтоли, малина, қулупнай, қорағат, олма;

🍎 Норин вилояти — олма, нок, ўрик, қорағат, зирк, чаканданинг тиконсиз навлари, каноп, қулупнай;

🍎 Ўш вилояти — барча турдаги мева ва резаворлар, сабзавот, полиз, техник экинлар;

🍎 Талас вилояти — олма, нок, олхўри, мевали экинларнинг бошқа турлари;

🍎 Чуй вилояти — томчилатиб суғориш усулида олма, нок, узум, мевали экинлар етиштириш маъқул.

Вазирлик боғдорчилик ҳозирда қишлоқ хўжалигининг жадал ривожланаётган тармоғи бўлиб, Қирғизистон иқтисодиётига катта ҳисса қўшиши мумкинлигини таъкидлади. Мутасаддилар шу билан бирга деҳқонлар камунумли яйловлардан фойдаланиш тўғрисидаги қонундан келиб чиқиб, 600 минг гектардан ортиқ майдонда узоқ муддатли ижара асосида мева ва резаворлар етиштириш имкониятига эга бўлганини эслатадилар.

ШУНИНГДЕК ЎҚИНГ
  • Тошкентда ҳарбий марш бўлиб ўтди

  • Алия Назарбоеванинг рейдерлик билан боғлиқ можаро марказида қолгани ва нега бу ишни ҳеч ким тергов қилишни хоҳламаётгани ҳақида

  • Қирғизистон президенти келтирган далиллар ва халқаро ташкилотларнинг «хорижий агентлар тўғрисида»ги қонун имзоланишига муносабати

  • «Крокус Сити Холл» да содир бўлган терактдан сўнг Россияда Марказий Осиёдан келган мигрантларга нисбатан босим кучайди