Музокаралар. WOSCU матбуот хизмати фотосурати
Ўзбекистон Ислом цивилизацияси маркази Туркиянинг «Мега Басим» нашриёт-матбаа ижодий уйи билан Ўзбекистон маданий меросига бағишланган китоб-альбомларни нашр этиш бўйича келишиб олди. Бу ҳақда Ўзбекистон маданий меросини ўрганиш, сақлаш ва оммалаштириш бўйича Бутунжаҳон жамияти (WOSCU) матбуот хизмати хабар берди.
Марказ директори ва WOSCU раиси Фирдавс Абдухолиқов ва «Мега Басим» нашриёт-матбаа ижодий уйи раҳбари Ҳасан Конду ўртасидаги учрашувда шундай келишувга эришилди. Томонлар аввалроқ «Ўзбекистон қўлёзма мероси дурдоналарида тарихий шахслар» ва «Клавихо: Самарқанддаги Темур саройига саёҳат кундалиги» китоб-альбомларини нашр этиш бўйича келишиб олдилар.
Абдухолиқов Текирдаг университети профессори, марказ илмий маслаҳатчиси Ҳалит Эрен билан ҳам учрашди. Томонлар Туркияда сақланаётган Ўзбекистон маданий мероси каталогини яратишга келишиб олдилар ҳамда Туркия ҳудудидаги фондларда сақланаётган мусулмонлар муқаддас китоби нусхаларини ўз ичига олувчи «114 Қуръон» дан иборат бўлажак глобал лойиҳани муҳокама қилдилар.
Барча музокаралар ИЦМ делегациясининг замонавий технологияларни музей ишларига жорий этиш тажрибасини ўрганиш мақсадида Истанбул ва Анқарага ташрифи доирасида бўлиб ўтди.
