Ўзбекистон МСК матбуот хизмати фотосурати
Олий Мажлис Қонунчилик палатаси ва маҳаллий кенгашлар депутатларига сайловлар ўтказилган деб топилди. Бу ҳақда Марказий сайлов комиссияси раиси ўринбосари Баҳром Кучкаров брифингда маълум қилди.
27 октябрь соат 13:00 ҳолатига кўра, деярли 9,5 миллион киши овоз берган, бу умумий сайловчиларнинг 47,62 фоизини ташкил этади. Сайлов кодексида сайловда сайловчиларнинг камида 33 фоизи иштирок этган тақдирда сайлов ўтган ҳисобланади, дейилади.
Энг фаол Фарғона (51,24 нафар сайловчи), Самарқанд (50,55 фоиз) ва Сирдарё (50,23 фоиз) вилоятлари аҳолиси бўлди. Сайлов участкаларига соат 13:00 га қадар келганларнинг энг кам сони Тошкент шаҳрида қайд этилди – 41,09 фоиз.
Овоз бериш жараёни маҳаллий вақт билан 20:00да (Москва вақти билан 18:00) якунланди.
ℹ️ 2005 йилдан буён Ўзбекистонда икки палатали парламент – Қонунчилик (қуйи) палатаси ва Сенат фаолият юритади. Қуйи палатадаги барча 150 ўрин мамлакатда расман рўйхатга олинган бешта сиёсий партия ўртасида бўлинган. Булар Либерал-демократик партияси (ЎзЛиДеП, 53 ўрин), «Миллий тикланиш» демократик партияси (36 ўрин), «Адолат» социал-демократик партияси (24 ўрин), Ўзбекистон Халқ демократик партияси (22 ўрин) ва Экологик партия (15 ўрин).
Парламент беш йил муддатга сайланади. 2019 йил декабрь ойида шаклланган Ўзбекистон парламенти қонунчилик палатасининг ваколат муддати 2024 йил охирида тугайди.
