"Истиқлол" — "Пахтакор" ўйинидан лавҳа. the-afc.com сайти фотосурати
Тошкентнинг «Пахтакор» жамоаси Осиё футбол конфедерасияси (ОФК) элит Чемпионлар лигаси 5-тури доирасида сафарда Эроннинг «Истиқлол» клубини қабул қилди ва ўйин 0:0 ҳисобида якунланди.
«Пахтакор» ҳам, «Истиқлол» ҳам турнир жадвалининг қуйи поғонасида жойлашган ҳолда бешинчи турга яқинлашди, – ўзбекистонликлар икки очко, эронликлар уч очкога эга. Бироқ, иккала клуб ҳам плей-оффга чиқиш учун яхши имкониятларни сақлаб қолишган.
«Пахтакор»нинг сафардаги учрашуви Дубайда бўлиб ўтди, чунки оғир геосиёсий вазият туфайли Эронда ҳали халқаро ўйинлар ўтказилмаган.
Биринчи бўлим «Пахтакор»нинг ўйиндаги устунлиги билан ўтди. Меҳмонлар бир нечта қулай вазиятларни яратишди, аммо уларни голга айлантира олишмади. Иккинчи бўлимда эронлик футболчилар фаоллашиб, ўйин сўнггига келиб шошқалоқлик қилишди, бироқ уринишлар голли вазиятга келмади. Натижада голсиз дуранг қайд этилди.
Бу Чемпионлар лигасида «Пахтакор» сафарда ютқазмади. Учта ўйин — учта дуранг.
Параллел ўйинларда Саудия Арабистонининг «Ал-Аҳли» жамоаси сафарда амирликларнинг «Ал-Айн» клубини 2:1 ҳисобида мағлуб этди ва иштирокчилар орасида биринчи бўлиб турнирнинг плей-офф босқичига йўлланмани кафолатлади. Саудиянинг яна бир клуби «Ан-Наср» сафарда Қатарнинг «Ал-Гарафа» жамоаси устидан 3:1 ҳисобида ғалаба қилди, Қатарнинг яна бир вакили «Ар-Райан» эса Эроннинг «Персеполис» клуби билан 1:1 ҳисобида дуранг ўйнади.
Эслатиб ўтамиз, 26 ва 27 ноябрь кунлари Қаршининг «Насаф», Душанбенинг «Истиқлол», Кўлобнинг «Равшан» ва Ашхободнинг «Олтин Асир» клублари Осиё чемпионлар лигасининг иккинчи босқичида ўз учрашувларини ўтказишади.
