Хоккей бўйича Ўзбекистон терма жамоаси. Ўзбекистон Хоккей федерацияси матбуот хизмати фотосурати
Хоккей бўйича Ўзбекистон терма жамоаси мураббийлар штаби ўзбекистонликлар учун дебют бўладиган IV дивизионда бўлиб ўтадиган жаҳон чемпионатида қатнашадиган ўйинчилар рўйхатини аниқлади. Бу ҳақда «Ҳумо» ХК матбуот хизмати хабар берди.
Ўзбекистон тарихидаги илк терма жамоа таркиби ўзбек хоккейининг ёш битирувчилари ва Тошкентнинг «Ҳумо» клубида ўйнаш тажрибасига эга бўлган бир қатор россиялик фуқаролардан тузилган.
Қозоғистон ёшлар лигасида ўйнаётган Tashkent Select клуби шарафини миллий терма жамоанинг саккиз нафар ёш хоккейчиси ҳимоя қилади. Яна икки нафар хоккейчи – Жасурбек Рустамхонов ва Салоҳиддин Азимов Чехия клубларининг ёшлар терма жамоаси сафида ўйнамоқда. Бу хоккейчиларнинг барчаси Ўзбекистон ўсмирлар терма жамоаси сафида Осиё ва Океания кубокларидаги ўйинлари орқали озми-кўпми таниш.
Тақдимномада мураббий бўлган икки нафар собиқ хоккейчи ҳам бор: Абдусамад Насиров (Tashkent Select) ва Артем Голубович («Ҳумо» болалар мактаби).
Терма жамоанинг ўзагини профессионал «Ҳумо» клуби ўйинчилари ташкил этади. Бу маҳаллий хоккейчилардан Жавоҳир Расулов, у жамоа сардори бўлади. Қолган хоккейчилар ўзбек спорт фуқаролигини олган россияликлар: Артем Мальцев, Даниэль Коган, Илья Назаревич, Василий Жилов, Егор Дорофеев, шунингдек, «Ҳумод»ан ВХЛнинг «Молот» клубига ўтган Павел Синявский.
Айтиш лозим, жамоада тажрибали дарвозабонлар йўқ. Учала дарвозабон ҳам Tashkent Select клубидан бўлиб, ёши 19 ёшдан паст.
Терма жамоа бош мураббийи латвиялик мутахассис Нормундс Сейес бўлади, гарчи «Фарғона» маълумотига кўра, жамоани қозоғистонлик «Ҳумо» устози Дмитрий Катаев бошқаради. Кўринишидан, мутахассис «Ҳумо» Қозоғистон чемпионати плей-офф босқичининг ярим финалида четлатилганидан сўнг дисквалификация қилинган.
Хоккейчилар Арманистондаги мусобақага 11 апрель куни жўнаб кетишади.Ўзбекистон терма жамоаси илк учрашувини 13 апрель куни Қувайт термасига қарши ўтказади.
13-19 апрель кунлари Ереванда IV дивизион бўйича жаҳон чемпионати бўлиб ўтади.Турнирда Арманистон, Ўзбекистон, Эрон, Қувайт, Индонезия ва Малайзия терма жамоалари иштирок этади. Ҳар бир жамоа рақибига қарши биттадан ўйин ўтказади. Гуруҳда биринчи ўринни эгаллаган жамоа юқорига кўтарилади.
