xavfsizlik_uz Telegram-канали фотосурати
Ўзбекистон Давлат хавфсизлик хизмати (ДХХ) ваколатларига киритилган масалалар юзасидан жисмоний ва юридик шахсларнинг мурожаатларини тезкор равишда қабул қилиш мақсадида Call-марказни ишга туширди. Call-марказга 1520 қисқа рақами орқали қўнғироқ қилиш мумкин.
Call-марказга мамлакатнинг конституциявий тузуми, суверенитети ва ҳудудий яхлитлигига тажовузлар, давлат чегарасига таҳдид, Қуролли Кучлар ва ҳарбий-саноат комплексидаги хавфсизликка оид хабарлар қабул қилинади. Шунингдек, терроризм, экстремизм, уюшган жиноий гуруҳлар фаолияти, қурол-яроғ, гиёҳвандлик воситалари ва психотроп моддаларнинг ноқонуний муомаласи, коррупция, иқтисодий жиноятлар, миллий ёки диний адоватни қўзғатиш ҳолатлари ҳақида хабар бериш мумкин.
Бундан ташқари, Call-марказ Жиноят кодексининг қуйидаги моддаларида назарда тутилган жиноятлар тўғрисида мурожаатларни қабул қилади:
👉 150–163 (тинчлик ва инсоният хавфсизлигига қарши жиноятлар, Ўзбекистон Республикасига қарши жиноятлар);
👉 182 («Божхона тўғрисидаги қонунчиликни бузиш»);
👉 223 («Қонунга хилоф равишда чет элга чиқиш ёки Ўзбекистонга кириш»);
👉 246 («Контрабанда»).
👉 150–163 (преступления против мира и безопасности человечества, а также против Республики Узбекистан);
ДХХ фуқароларни ҳуқуқбузарликларга бефарқ бўлмасликка чақиради ва мурожаатларнинг тўлиқ махфийлигини кафолатлайди. Шу билан бирга, ёлғон, туҳмат ёки ҳақоратомуз баёнотлар белгиланган тартибда жавобгарликка сабаб бўлиши таъкидланади.
