Ўзбекистон ИССВ матубот хизмати фотосурати
Хитойнинг Экспорт-импорт банки (Эксимбанк) телекоммуникация лойиҳасини амалга ошириш учун Ўзбекистон ҳукуматига 500 миллион доллар ажратди. Тегишли кредит шартномасини молия институти бошқаруви раиси Чен Хуайюй ҳамда Марказий Осиё республикаси Инвестициялар, саноат ва савдо вазири (ИССВ) Лазиз Қудратов имзолади, деб хабар берди мазкур вазирлик матбуот хизмати.
Ҳужжатларни имзолаш маросимида мутасадди мазкур лойиҳанинг муҳимлигини таъкидлади. Қудратов Эксимбанкнинг IТ соҳасидаги ташаббусларни қўллаб-қувватлаши ижобий натижалар беришига ишонч билдирди.
ИССВ раҳбари ва Хитой банки раҳбари жорий келишувларни амалга ошириш ва янги йўналишларда ҳамкорликда ишлаш истиқболларини ҳам муҳокама қилди.
Хусусан, бу қуйидаги соҳалардаги лойиҳаларга тааллуқлидир:
✅ гидроэнергетика иншоотларини қуриш;
✅ қишлоқ хўжалигини барқарор ривожлантириш;
✅ транспорт тармоғини модернизация қилиш.
ℹ️ ИССВ қўшимча қилишича, Ўзбекистон ва Хитой Эксимбанки 2002 йилдан буён ҳамкорлик қилиб келади. Ўтган давр мобайнида замонавий инфратузилмани барпо этиш, «яшил» энергетикани ривожлантириш, транспорт, қишлоқ ва сув хўжалиги, таълим, соғлиқни сақлаш ва бошқа соҳаларда умумий қиймати 3,2 миллиард доллар бўлган 51 та лойиҳа амалга оширилди. Айни пайтда 21 миллиард долларлик ташаббус амалга оширилмоқда. Бундан ташқари, қиймати 2,2 миллиард долларлик яна 13 та лойиҳа ишлаб чиқилмоқда.
