e-cis.info сайти фотосурати
Қозоғистон ҳудуди орқали Россиядан Хитойга газ қувури лойиҳасини муҳокама қилиш давом этади. Бу ҳақда ТАСС мухбирига Қозоғистон Бош вазирининг биринчи ўринбосари Роман Скляр Шарқий иқтисодий форум (ШИФ) доирасида маълум қилди.
«Биз бу масала устида анчадан бери ишлаяпмиз, лекин ҳа, у муҳокама қилинмоқда. Бу мураккаб лойиҳа, бу нафақат Қозоғистон ва Россияга боғлиқ, лекин иш давом этмоқда. Барчамиз бир қатор масалалар бўйича муваффақиятли музокаралар олиб боришига умид қиламиз», — деди у.
Аввалроқ қозоғистонлик журналист Олег Червинский CNPC ва «Газпром» ўртасида Мўғулистон орқали ўтадиган «Сила Сибири-2» ва «Союз Восток» транзит газ қувурини қуриш бўйича қонуний кучга эга меморандум имзолангани боис, лойиҳа тўхтатилиши мумкинлигини тахмин қилганди. Таъкидланишича, Россия гази Хитойга 30 йил давомида йилига 50 миллиард кубометр миқдорида етказиб берилади.
Россиядан Хитойга Қозоғистон орқали газ қувури қурилиши эҳтимоли ҳақида биринчи марта ўтган йили муҳокама қилинган («Силе Сибири-2» бўйича музокаралар ўша пайтга қадар бир неча йиллардан буён давом этаётган эди, бироқ томонлар газ нархи ва етказиб бериш ҳажми бўйича келиша олмаган эди). Ўтган йил кузида «Нишоналар: Россия ва Хитой – ўзаро манфаатли ҳамкорлик» форумида сўзга чиққан Россия Бош вазири ўринбосари Александр Новак лойиҳа ишлаб чиқишнинг дастлабки босқичида эканини айтганди. Шу билан бирга, газ қувурининг қуввати йилига 35 миллиард куб метргача етиши мумкинлиги хабар қилинганди.
Бунинг ҳисобига Қозоғистоннинг шимоли-шарқий вилоятлари газлаштирилиши кўзда тутилган.
