Петроглиф. cisc.uz сайти фотосурати
Тошкентдаги Ислом цивилизацияси марказининг Исломгача бўлган давр залида Нурота тоғларидаги Сармишсой ва Каранғунғур водийларидаги қоятош расмларига бағишланган кўргазма очилди. Бу ҳақда Марказ матбуот хизмати хабар берди.
Расмлар нусха ва реконструкция сифатида тақдим этилган ва Ўзбекистондаги исломгача бўлган даврга бағишланган бўлимга киритилган.
Археологлар маълумотларига кўра, Сармишсойда 10 мингдан ортиқ расмлар сақланиб қолган. Тошларда ов саҳналари, ҳайвонлар тасвирлари, инсон қиёфалари ва рамзлар тасвирланган. Петроглифлар ҳақида биринчи маълумотлар XIX асрда пайдо бўлган ва тизимли тадқиқотлар ХХ асрда бошланган. Тадқиқотга археолог Хабиб Муҳаммедов катта ҳисса қўшган.
ℹ️ Ислом цивилизацияси маркази Хасти-Имом мажмуаси ёнида қурилмоқда. Иншоот қадимги меъморий обидалар шаклида бунёд этилмоқда. Мажмуанинг тўрт томонида баландлиги 34 метрли пештоқлар, ўртада 65 метрли гумбаз қурилган. Марказнинг энг асосий қисмида Қуръони карим зали бунёд этилмоқда. Бу ерда 460 ўринли анжуманлар зали ҳам қуриб битказилди. ИЦМ Ўзбекистон халқаро исломшунослик академияси ва дунёнинг ихтисослаштирилган илмий-таълим марказлари билан ҳамкорликда аждодлар меросини ўрганиш, идрок этиш борасида маърифий масканга айланиши кўзда тутилган.
