sud.uz сайти фотосурати
Президент ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакили идораси тадбиркорларга асоссиз жарима солган мансабдор шахсларга нисбатан чора қўришни таклиф қилди. Тегишли ҳужжат лойиҳаси норматив-ҳуқуқий ҳужжатлар муҳокамаси порталида жойлаштирилди.
Қонун лойиҳасининг кириш қисмида айтилишича, санкцияларни жорий этишнинг долзарблиги давлат идоралари томонидан тадбиркорлик фаолиятида асоссиз жарима солиш амалиёти билан изоҳланади. Бундан ташқари, суд мансабдор шахс ҳаракатларини нотўғри деб топса ҳам, уларни жавобгарликка тортмаслик жазосизлик ҳолатига олиб келади.
Бизнес-омбудсман идораси томонидан ишлаб чиқилган ташаббус Республика Маъмурий кодексига ўзгартиришлар киритишни таклиф қилади, унга кўра, тадбиркорга асоссиз жарима солингани тўғрисидаги суд қароридан сўнг, назорат қилувчи, ҳуқуқни муҳофаза қилиш органи ёки бошқа орган ходими жазоланади.
Инсон ҳуқуқлари фаолларининг фикрига кўра, мансабдор шахслар 20 дан 40 тагача базавий ҳисоблаш миқдори (БҲМ) да жаримага тортилади. Ҳозирда таклиф қилинган жарималар 8,24 миллион сўмдан (685 доллар) 16,48 миллион долларгача (1370 доллар) оралиғида.
Асословчи ҳужжатда Бизнес-омбудсман идораси судлар кўпинча тадбиркорлар шикоятлари фойдасига қарор чиқараётганини таъкидлайди, бу эса тизимли ечим зарурлигини кўрсатади.
Бу ҳолатни статистика ҳам тасдиқлайди. Масалан, ўтган йил ва жорий йилнинг биринчи ярмида судлар тадбиркорлардан уларга берилган жарималарга норози эканига оид 11 000 дан ортиқ мурожаатларни қабул қилган. Ушбу ишларнинг 9 000 дан ортиғида тадбиркорларнинг шикоятлари қондирилган. Натижада, жами 4,4 триллион сўм (366 миллион доллардан ортиқ) миқдоридаги жарималар бекор қилинган.
Бизнес-омбудсман идораси томонидан ишлаб чиқилган қонун лойиҳасининг муҳокамаси 9 ноябргача давом этади.
