ТДТ мамлакатлари қўшма инвестиция фондининг капитали 500 миллион долларни ташкил қилади

eurasiatoday.ru сайти фотосурати

Туркий Давлатлар Ташкилоти (ТДТ) мамлакатлари инвестиция фондининг устав капитали 500 миллион долларни ташкил этади ва унинг бош қароргоҳи Туркиянинг Истанбул шаҳрида жойлашади, дея хабар беради Kapital.kz сайти Қозоғистон президентининг тегишли қарори лойиҳасига таяниб.

Ҳужжатда таъкидланишича, устав капиталидаги улушлар ТДТ аъзолари ўртасида тенг тақсимланади.

Шундай қилиб, Туркия, Озарбайжон, Қозоғистон, Қирғизистон ва Ўзбекистон ҳар бири 100 миллион доллардан ҳисса қўшади.

Шу билан бирга, устав капитали ҳар бирининг номинал қиймати 50 000 АҚШ доллари бўлган 10 000 та акцияга бўлинади. Ўз навбатида, қимматли қоғозлар пуллик, яъни фонд аъзосига бириктирилган ва муомалага киритиладиган қимматбаҳо қоғозларга бўлинади.

Ҳар бир аъзо фонднинг очилиш йиғилишидан кейин 90 кун ичида 5 миллион доллар миқдоридаги тўланган акцияларга тегишли дастлабки тўловни амалга оширади. Келгусида мамлакатлар йиллик бадалларни қуйидаги тартибда амалга оширадилар: 18 миллион доллар, 23 миллион доллар ва 24 миллион доллар жалб қилинган қимматли қоғозлар доирасида ҳар бир давлатнинг улуши 30 миллион долларни ташкил этади.

Тўловлар бажарилмаслиги фонд олдидаги мажбуриятларнинг бажарилмаслиги ҳисобланади.

ТДТ мамлакатлари инвестиция фонди ўз президенти, директорлар кенгаши ва бошқаларга эга бўлган халқаро молия ташкилоти мақомига эга бўлади. Тузилма таъсис йиғилиши ўтказилган кундан бошлаб 20 йил давомида фаолият юритиши режалаштирилган.

Қозоғистон президенти фармони лойиҳасига бириктирилган тушунтириш хатида Туркий инвестиция фондини ташкил этиш минтақалараро савдони ривожлантиришга кўмаклашиш, кичик ва ўрта бизнес лойиҳаларини молиялаштириш, таъминот занжири, транспорт, туризм, қишлоқ хўжалигини қўллаб-қувватлашга қаратилгани айтилади.

ТДТ мамлакатлари томонидан жамғарма тузиш тўғрисида ташкилотнинг 2022 йил ноябрь ойида Самарқандда бўлиб ўтган саммитида келишиб олинган эди. Битим имзоланиши жорий йилнинг 16 март куни Туркий давлатлар ташкилотининг Анқара шаҳрида бўлиб ўтган навбатдан ташқари (фавқулодда) саммитида бўлиб ўтди.

ℹ️ Илгари Туркий тилли давлатлар ҳамкорлик кенгаши (Туркий кенгаш) номи билан аталган Туркий давлатлар ташкилоти 2009 йил 3 октабрда ташкил этилган. Айни пайтда унинг таркибига Озарбайжон, Қозоғистон, Қирғизистон, Туркия ва Ўзбекистон киради, Туркманистон ва Венгрия кузатувчи давлат сифатида қатнашмоқда.

16 март куни Анқарадаги саммитда тан олинмаган Шимолий Кипр Турк Республикаси (ШКТР) раҳбари Эрсин Татар ҳам иштирок этди — у ТДТда кузатувчи давлат президенти сифатида таништирилди.

  • «Крокус Сити Холл» да содир бўлган терактдан сўнг Россияда Марказий Осиёдан келган мигрантларга нисбатан босим кучайди

  • Ўзбекистонда болалар тарбиясида куч ишлатишни қонун билан тақиқлаш таклиф қилинди

  • Ёқилғи қуйиш шаҳобчаларидаги навбат ҳайдовчилар ўртасида ур-тўполонга сабаб бўлди

  • Тошкент бутунлай тутундан бўғилиб қолмаслиги учун ҳукумат қандай чоралар кўрмоқчилиги ҳақида