Қозоғистон президенти жамоат жойларида ниқоб кийишни тақиқловчи қонунни имзолади

kz.kursiv.media сайти фотосурати

Қозоғистон президенти Қосим-Жомарт Тўқаев жамоат жойларида инсон юзини беркитадиган кийим-кечакларни тақиқловчи қонунни имзолади. Бу ҳақда Оқўрда матбуот хизмати хабар берди.

Тегишли норма «Қозоғистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонундан ўрин олди. Ўзгартишлар, хабар қилинганидек, ички ишлар органлари ходимларининг ҳуқуқни муҳофаза қилиш хизматини, уй-жой ва ижтимоий ҳимоясини такомиллаштиришга қаратилган.

Қонунга кўра, бундай кийим-кечакдан қонун талабларига риоя қилиш, тиббий мақсадларда, фуқаролик мудофааси учун, муайян об-ҳаво шароитида, спорт ва маданий тадбирларда қатнашиш учун фойдаланилган ҳолатлар мустасно бўлиши мумкин.

Гарчи ҳужжатда қандай кийимлар муҳокама қилинаётгани аниқланмаган бўлса-да, бош кийимлар билан бир қаторда диний либослар, хусусан, юзни тўлиқ қоплайдиган ниқоб ҳам тақиқланишини тахмин қилиш мумкин. Қозоғистонда бир неча йиллардан бери унинг тақиқланишига доир мунозаралар давом этмоқда.

2024 йил март ойида Қосим-Жомарт Тўқаев ниқобларни қозоғистонлик аёлларга радикал кайфиятдаги неофитлар томонидан тиркалаётган эски кийимлар тури деб атаган эди. Давлат раҳбарининг сўзларига кўра, бу қозоғистонликлар анъанавий қадриятларига қарши йўналтирилган «очиқчаси чақириқ»дир.

ШУНИНГДЕК ЎҚИНГ
  • Россия тарғиботи қозоғистонликларга қандай таъсир кўрсатаётгани ҳақида

  • Оға Хон жамғармаси Кобулдаги қадимий Боло-Ҳисор қалъасини археология паркига айлантирмоқда

  • Нима учун Пекин умумий чегарага эга бўла туриб, толиблар билан Марказий Осиё орқали савдо қилаётгани ҳақида

  • Нима учун хитойликлар спиртли ичимликларни кўллар билан ўлчаши ва Фарғона узуми империянинг таъм дидини абадий ўзгартириб юборгани ҳақида