economist.kg сайти фотосурати
Қирғизистон Миллий хавфсизлик давлат қўмитаси (МХДҚ) «Элкат» ширкатининг бош директори Уланбек Толубаев ва икки таъсисчи Зикирали Кенжебаев ва Сергей Шмелевни ҳибсга олган. Бу ҳақда хавфсизлик кучларидаги манбаларга таяниб, Kaktus.media хабар берди.
Ҳибсга олишдан аввал 10 февраль куни компания офисида тинтув ўтказилган. Бош директор ва муассислар МХДҚ вақтинчалик сақлаш ҳибсхонасига жойлаштирилган.
Ҳибсга олиш сабаблари ҳақида хабар берилмаган. Аввалроқ «Элкат» ва Қирғизистон президенти ҳузуридаги Миллий инвестиция агентлиги ўртасида инвесторнинг бир еча трашда давлатга 500 миллион сом (5,7 миллион доллар) тўлаш бўйича шикоятини (тинчлик битими) ҳал этиш бўйича келишув имзоланган. Шундан сўнг компания Молия вазирлигининг Марказий ғазначилиги ҳисобига маълум миқдорла пул ўтказган – Kaktus.media ихтиёрида жами 150 миллион сом (1,7 миллион доллар)лик бир нечта квитанция мавжуд.
Нашрга кўра, «Элкат»нинг активлари Жаҳон банки гуруҳига аъзо бўлган Халқаро молия корпорацияси (IFC) га гаровга қўйилган, компания илгари ўзини ривожлантириш учун кредит олган.
Айни пайтда, «Элкат» компанияси бош директори вазифасини бажарувчи этиб, аввалроқ Давлат ипотека компанияси директори ўринбосари лавозимида ишлаб келган Нурадил Баясов тайинланган.
ℹ️ «Элкат» — Қирғизистондаги энг йирик интернет провайдери бўлиб, ўзининг оптик толали тармоғига ва халқаро магистрал алоқа оператори мақомига эга. Компания 1994 йили ташкил этилган.
