Қирғизистон терма жамоаси футболчилари. Қирғизистон термаси матбуот хизмати фотосурати
Ўзбекистон ва Қирғизистон терма жамоалари жаҳон чемпионати учинчи саралаш босқичидаги сўнгги ўйинларини ўтказди. Ҳар икки жамоа ҳам очко жамғарди.
Ўзбекистон миллий терма жамоаси Тошкентда Қатарни қабул қилди. Ўзбекистонликлар жаҳон чемпионати йўлланмасини кафолатлаган бўлса, рақиблари кейинги саралаш босқичига йўлланмани қўлга киритишганди. Бироқ, қатарликлар мезбонларни жиддий безовта қилишди – сўнгги қитъа чемпионатида Осиё Кубогининг икки карра ва амалдаги ғолиби Ўзбекистонни чорак финалда пенальтилар сериясида мағлуб этганди, шунингдек, жаҳон чемпионати саралашининг биринчи босқичида ҳам мағлуб бқилганди, бу уларнинг сўнгги бир неча йилдаги илк ва ягона мағлубияти бўлди. Қолаверса, ўзбек футболчилари мухлисларни хурсанд қилишни мақсад қилганди, бунинг уддасидан чиқолди – жамоа 3:0 ҳисобида ғалаба қозонди.
Мезбонлар ҳакамнинг старт ҳуштагидан бошлаб ташаббусни қўлга олишди. 28-дақиқада Азизбек Турғунбоев ҳисобни очди. Устунликни ошириш учун анча вақт керак бўлди, ўйин кескин кечди. Фақат 86-дақиқада Элдор Шомуродов иккинчи тўпни рақиб дарвозасига йўллади. Учинчи гол эса қўшиб берилган вақтда захирадан майдонга тушган Игорь Сергеев зарбаси билан киритилди.
Учрашувдан сўнг футболчиларни Тошкент инвестиция форумига ташриф буюрган хорижлик ҳамкасблари билан бирга трибунада бўлган Ўзбекистон Президенти Шавкат Мирзиёевнинг шахсан ўзи табриклади. Барча футболчилар ва мураббийга автомобиллар совға қилинди.
Ўзбекистон терма жамоаси Марказий Осиёдан жаҳон чемпионатида иштирок этадиган биринчи жамоа бўлди.
Қирғизистон терма жамоаси Бишкекда БААлик рақибларини қабул қилди. Қирғизистонликлар гуруҳдан чиқиш учун курашни давом эттириш учун барча имкониятларини йўқотиб қўйган, рақиб эса тўртинчи саралаш босқичида иштирок этишини кафолатлаган. Шундай бўлса-да, жаҳон чемпионатининг учинчи саралаш босқичида дебют қилган Қирғизистон терма жамоаси турнирни жуда яхши ўтказди ва сўнгги турда КХДР билан ўйинда (2:2) фақат хатога йўл қўйди, шунингдек, параллел ўйинда Эроннинг Қатардан кутилмаган мағлубияти Марказий Осиё терма жамоасини кейинги босқичга чиқиш имкониятидан маҳрум қилди. Шундай қилиб, вазифа ўз мухлислари олдида нуфузини йўқотмаслик ва кучлилар сафида тасодифий бўлмаганлигини тасдиқлаш эди. Улар буни уддалашди. Учрашув 1:1 ҳисобида якунланди.
Қирғизистонликлар мураббийи Максим Лисицин анчагина экспериментал таркибни майдонга туширганига қарамай, ўйин анча тенг кечди. Жамоалар кескин ҳужумлар уюштиришди, аммо меҳмонлар биринчи бўлиб гол уришди. 30-дақиқада Ҳариб Суҳайл гол урди. Мезбонлар куч билан олдинга ўтишди ва вақт ўтиши билан рақибнинг ярмида кескинлик юзага келди. Валерий Кичин дарвоза тўсинига зарба берди. Захирадан тушган Жоэль Кожо бир неча бор ўзини яхши ҳолатда кўрсатди. Аммо тўп дарвозага кирмади. Ва фақат учрашувнинг 95-дақиқасида Қайрат Жиргалбек уулунинг қанотдан узатмасини Кай Мерк якунлаб, ҳисобни тенглаштирди.
А гуруҳининг яна бир учрашувида Эрон терма жамоаси КХДРни 3:0 ҳисобида мағлуб этди.
Гуруҳдаги якуний натижалар қуйидагича: Эрон – 23 очко, Ўзбекистон – 21 очко, БАА – 15 очко, Қатар – 13 очко, Қирғизистон – 8 очко, КХДР – 3 очко.
