Барсакелмес туз кони. uznews.uz сайти фотосурати
Қорақалпоғистондаги (Ўзбекистон таркибидаги суверен республика) «Барсакелмес» кони ҳудудида Kungrad Salt Free Zone тузни қайта ишлаш саноат зонаси ташкил этилади. Лойиҳага йирик хорижий компаниялар инвестор сифатида жалб қилинади. Президент Шавкат Мирзиёевнинг тегишли фармонида шу ҳақда сўз юритилади, деб хабар беради «Газета.uz».
Ҳужжатда давлат раҳбари потенциал инвесторлар, хусусан, Германиянинг K+S, Хитойнинг China National Salt Industry ва Ҳиндистоннинг Tata Chemicals компаниялари билан музокаралар олиб бориш буюрилгани айтилган. Прогнозларга кўра, 2030 йилга келиб бу ерга 200 миллион долларгача инвестиция киритилади, бу сумманинг камида 50 миллион доллари 2026 йили йўналтирилиши кутилмоқда. Шунингдек, мулозимларга янги экспорт бозорларини ривожлантириш вазифаси юклатилган.
Саноат зонаси Қўнғирот туманида, Устюрт қишлоғи яқинида ташкил этилади. Қорақалпоғистон ҳукумати Ўзбекистон Қурилиш, уй-жой коммунал хизмат кўрсатиш вазирлиги ва бошқа идоралар билан биргаликда саноат объекти учун бош режа ишлаб чиқиши лозим. Муддат — жорий йил охиригача.
Кейинги икки йилга мўлжалланган биринчи босқичда Kungrad Salt Free Zoneда жойлашган корхоналар 50 гектар майдонни эгаллайди, кейинчалик саноат зонаси 200 гектаргача кенгаяди.
Президент фармонида таъкидланишича, бу ерда ўз лойиҳаларини амалга оширишга қарор қилган компаниялар «Нукус» эркин иқтисодий зонасида беш йиллик резидент мақомини олади, бу солиқ ва божхона имтиёзларини беради.
Ўзбекистон ҳукумати ишлаб чиқаришда замонавий, илғор технологиялардан фойдаланадиган ва ихтисослаштирилган қайта тайёрлаш марказларини ташкил этадиган инвесторлар учун ўқув харажатларини қоплайди. Таълим муассасалари давлат мулкини беш йилгача бепул фойдаланишга олади ва муҳандислар ва технологларнинг маошлари Бандликка кўмаклашиш давлат жамғармасидан тўланади.
Келгуси йил 1 апрелига қадар Стратегик ривожланиш ва ислоҳотлар агентлиги Республика Ташқи ишлар вазирлиги билан ҳамкорликда Қорақалпоғистонда юқори технологияли лойиҳаларни амалга ошириш учун узоқ муддатли шартнома асосида ишлаш учун етакчи глобал экспертни ёллаши лозим.
Мириёев томонидан имзоланган ҳужжатда шунингдек, Қўнғирот конида янги туз захираларини аниқлаш ва ривожлантириш бўйича қўшимча ишларни амалга ошириш режалари тасдиқланган. Тегишли тадқиқот маълумотлари оммага ошкор қилинади.
2011 йил ҳолатига кўра, «Барсакелмес»даги ош тузининг тасдиқланган захиралари 130 миллион тоннадан ошади.
