Қирғизистон – Хитой ўйинидан лавҳа. the-afc.com сайти фотосурати
Қирғизистон ва Тожикистон ёшлар терма жамоалари 20 ёшгача бўлган футболчилар ўртасидаги Осиё Кубогининг гуруҳ босқичидан ўта олмади ва турнирдаги ўйинларини якунлади.
Охирги учинчи даврада иккала жамоа ҳам керакли натижага эриша олмади. Қирғизистон Саудия Арабистони ва Япониядан иккита мағлубиятдан сўнг плей-оффга чиқиш учун назарий имкониятни сақлаб қолганди. Бунинг учун қирғизистонликларга Саудия Арабистонининг Япония билан ўйиндаги мағлубияти ва Хитой термаси устидан ўзларининг учта голли ғалабаси керак эди. Японияликлар саудияликларни 2:1 ҳисобида мағлуб этган бўлса-да, Қирғизистон терма жамоаси Хитой билан учрашувда 1:1 ҳисобида дуранг билан кифояланди. Шу тариқа, Қирғизистон D гуруҳида сўнгги ўринни эгаллади. Япония ва Хитой плей-офф босқичига чиқишди.
Тожикистон терма жамоаси 3 очко билан учинчи босқичга чиқди. Гуруҳдан кафолатланган чиқиш учун тожикистонликларга Жанубий Корея устидан қозонилган ғалаба ёки Уммон билан ўйинда Иордания термасининг мағлубияти керак эди. Натижада Тожикистон корейслар билан дуранг ўйнаган бўлса (0:0), Иордания Уммон билан дуранг ўйнади (0:0). Шу тариқа, Тожикистон С гуруҳида тўрт очко билан учинчи ўринни эгаллади. Жанубий Корея ва Иордания кейинги ўринларни эгаллади.
Ўзбекистон терма жамоаси гуруҳ босқичининг сўнгги турида Индонезия билан дуранг ўйнади (0:0) ва кутилаётган 7 очко билан А гуруҳида биринчи ўринни эгаллади. Ироқ терма жамоаси ҳам плей-оффга йўл олди.
Чорак финалда Ўзбекистон миллий терма жамоаси 11 март куни Австралия билан ўйнайди ва ғалаба қозонса, ёшлар ўртасидаги 2023 йилги жаҳон чемпионатига йўлланмани қўлга киритади. Эрон ва Ироқ параллел чорак финал баҳсида тўқнаш келади. Шунингдек, 12 март куни бўлиб ўтадиган чорак финалда Жанубий Корея Хитой билан, Япония эса Иордания билан ўйнайди.
1 мартдан 18 мартгача Тошкент ва Фарғона шаҳарлари стадионларида U-20 Осиё кубоги бўлиб ўтади. Турнирда 16 та жамоа тўрт гуруҳга бўлинган ҳолда иштирок этмоқда. Ҳар бир гуруҳдан иккитадан жамоа плей-офф босқичига йўл олди. Энг яхши тўртта жамоа 2023 йили Индонезияда бўлиб ўтадиган ёшлар ўртасидаги жаҳон чемпионатига йўлланма олади.
