Сергей Яворский. cmariupol.com сайти фотосурати
Бохтар (собиқ Қўрғон-тепа) шаҳрининг «Вахш» футбол клуби Украина ёшлар терма жамоасининг собиқ футболчиси, «Мариуполь» ФК собиқ сардори Сергей Яворский билан шартнома имзолади.
Клубнинг 34 ёшли ҳимоячи билан шартномаси шу йил охиригача амал қилади. Шартнома тафсилотлари кўрсатилмаган. Яворский билан бирга «Вахш» жамоасига «Мариупол»нинг яна бир собиқ футболчиси, 24 ёшли ярим ҳимоячи Микита Петерман қўшилган.
Икки украиналик футболчидан ташқари «Вахш» таркибида учта ганалик ва битта ивуарлик футболчи бор. Бундан ташқари, «Фарғона» маълумотига кўра, ёзда жамоага Тожикистон фуқаролигига эга сербиялик дарвозабон Никола Стошич қўшилиши мумкин.
Эслатиб ўтамиз, шу йилнинг март ойида украиналик икки нафар футболчи Дмитрий Павлиш ва Юрий Батюшинлар Кўловнинг «Равшан» клубига кўчиб ўтганди. Қолаверса, «Равшан» сафида ўтган мавсумда Лиганинг энг яхши хорижлик футболчиси сифатида эътироф этилган украиналик дарвозабон Эвгений Гриценко тўп суради.
Бу йил «Вахш» ўзининг тарихий номини қайтарди, бунгача беш йил давомида жамоа «Хатлон» деб юритилганди. Ўтган мавсум якунларига кўра, «Вахш» тарихда илк бор Тожикистон Олий лигасини тарк этиб, кейинги мавсумни иккинчи дивизионда ўтказиши керак эди, бироқ Тожикистон футбол федерацияси раҳбарияти бу сонни кенгайтиришга қарор қилди. Олий лига иштирокчилари сони 12 тага етди, шунинг учун «Вахш» юқори дивизиондаги ўрнини сақлаб қолди.
Сергей Яворский Донецкнинг «Шахтёр» клуби тарбияланувчиси ҳисобланади. Турли вақтларда у Украинанинг «Оболон», Ворскла» ва «Мариуполь» (собиқ «Ильичивец») клубларида ўйнаган, бу жамоаларда жами 9 мавсум ўтказган ва жамоа сардори бўлган.
У Қостанайнинг «Тобол» жамоасида бир ярим йил ўйнадган. Яворский мавсумнинг сўнгги ярмини Германия чемпионати олтинчи дивизионидан жой олган «Лок-Стендаль» клубида ўтказди. У Украина ёшлар терма жамоаларида ўйнаган.
Микита Петерман — Мариуполь футболи маҳсули. У ўзининг клубидан ташқари, Польшанинг «Сосновец» ва Албаниянинг «Лачи» клубларида ўйнаган. Ўтган йили у Туркистоннинг «Турон» жамоасида ўйнади ва бу унга юқори лавозимларга кўтарилишига ёрдам берди.
«Мариуполь» футбол клуби 1960 йили «Ильичевец» номи билан тузилган. Клуб 2017 йилди «Мариуполь» деб ўзгартирилган. 2022 йили клуб инфратузилмаси вайрон қилингани ва махсус ҳарбий операция даврида шаҳарнинг Россия қўшинлари назоратига ўтгани сабабли иштирокини тўхтатган. Ўша йил апрель ойида жамоа тарқатиб юборилгани эълон қилинди.
