Жанг трансляциясидан лавҳа. Mark Robinson / Matchroom Boxing
Ўзбекистонлик боксчи Шаҳрам Ғиёсов профессионал фаолиятидаги илк бор мағлубиятга учради. Ярим ўрта вазн тоифасидаги WBA Regular чемпионлик камари учун жангда у британиялик Жек Кэттероллга ютқазди. Ҳакамлар қарори бир овоздан қабул қилинди.
Жанг 25 май куни Мисрнинг Гиза шаҳрида The Ring: Glory in Gizа мусобақаси доирасида бўлиб ўтди, унда Олександр Усик ва Рико Верховен ўртасидаги бўлиб ўтган жанг асосий воқеа бўлди.
Учала ҳакам ҳам жангни 119:108, 118:109 ва 116:111 ҳисобида британиялик боксчи фойдасига ҳал қилишди.
Ғиёсов биринчи раунддаёқ чап қўли билан зарба берганидан сўнг нокаутга учради. Ўзбекистонлик боксчи жангни давом эттирди, аммо вазиятни ўзгартира олмади.
Кэттеролл масофани яхшироқ назорат қила олди, кўпроқ жеб ва тўғри чап зарбалар берди. Тўртинчи раундда Ғиёсов тезликни оширишга ҳаракат қилди ва фаолроқ олдинга силжий бошлади, аммо британиялик тезда устунликни қайтариб олди. Олтинчи раундда бир қатор аниқ зарбалар Ғиёсовнинг бурнидан қон кетишига сабаб бўлди ва еттинчи раунд охирида Кэттеролл рақибига чап қўли билан қаттиқ зарба берди.
CompuBox маълумотларига кўра, Кэттеролл 551 та уринишда 219 тасини амалга оширолган, бу 40% аниқлик даражасини кўрсатади. Ғиёсов 366 та уринишдан 78 тасини амалга оширган, бу 21% аниқлик даражасини кўрсатади. Британиялик шунингдек, кучли зарбалар бўйича ҳам устунликни сақлаб қолган ва 55 та зарбага қарши 98 та зарба беролган.
Шаҳрам Ғиёсов 2016 йилги Олимпия чемпиони ва 2017 йилги Осиё ва Жаҳон чемпиони. 2017 йил декабрь ойида Ғиёсов профессионал боксга ўтганини эълон қилганди. Кэттеролл билан жангдан олдин Ғиёсов 17 та жангда 17 та ғалаба қозонган, шу жумладан 10 тасида нокаут билан тугаганди. Унинг профессионал рекорди ҳозирда 17 та ғалаба ва 1 та мағлубиятга эга. Ғиёсовнинг сўнгги жанги 2025 йил апрель ойида бўлиб ўтганди, ўшанда у аргентиналик Максимилиано Окампони мағлуб этганди.
Ушбу ғалаба билан Cэттеролл ўз рекордини 33 та ғалабага етказди, унда 2 та мағлубият бор. У WBA Regular вакант унвонини қўлга киритди ва WBA ярим ўрта вазн тоифаси чемпиони Роландо Ромеро билан жангга яқинлашиб олди.
